میں کیا لکھوں۔۔۔؟

سوچتا ہوں کچھ لکهوں...مگر کیا لکهوں...مرض کہن لکهوں یا شورش فردا لکهوں....زلف جاناں کی سیاہی کی داستاں لکهوں....یا دل پہ گناہ کی کالک کا بیاں لکهوں....اسکے حسن کی شان میں غزل لکهوں....یا سیاہی کو لہو پہ افضل لکهوں...گیسوئے لیلی کا فسانہ لکهوں.... یا عافیہ کی سسکیوں کا ترانہ لکهوں....اسکے مڑمڑ کے تکنے کی ادا لکهوں.... تیرے  جهک کے جینےکو میں کیا لکهوں...بےوفائی کا اسکی کوئی قصہ لکهوں....یا جعفروصادق کا تجهے حصہ لکهوں....اسکے شرمانے کو ادا یا شرارت لکهوں....یا بیوہ کے اکلوتےکی شہادت لکهوں....اسکے کانوں میں چمکتی ہوئی بالی پہ لکهوں.... یا کشمیر کے جهرنوں کی لالی پہ لکهوں....اسکے رخسار کےکالے تل پہ لکهوں.....یا فلسطیں کے مسلماں کے دل پہ لکهوں....ناگن زلف کو مخملی زنجیر لکهوں.....یا غلامئ قصرابیض تیری تقدیر لکهوں....ہجرکی شام لکهوں،وصل کی رات لکهوں..... یا تیری عقل پہ پڑے پردےکی بات لکهوں....قیامت لکهوں گر میں ان نیم باز آنکهوں کو...تو کیا لکهوں سر بازارپڑی کٹی پهٹی لاشوں کو....تجهے میرزا کا شاگرد یا میر کا مقلد لکهوں....یا گوررومی،سعدی واقبال کی مرقد لکهوں....اسکی نظروں کو ناوک نیم کش لکهوں..... نہیں،تیری دانست پہ کیوں نہ میں عش عش لکهوں....تجهے ساز فطرت کی نوا لکهوں..... یا ہاتھ پہ ہاتھ دهرے منتظر فردا لکهوں.....انداز بیاں جوشوخئ غالب کا صلہ لکهوں..... میں رنگون میں پهر کیسے صیاد سے گلہ لکهوں.....؟؟جدائی کی گهڑی لکهوں،پهر اسکی ہولناکی لکهوں.... تیرا اندیشہ  افلاکی لکهوں؟ تیری پرواز لولاکی لکهوں؟....اک نظم میں اس سےاظہار محبت، اعلانیہ لکهوں....یا جلا وطنئ شہ سلطنت عثما نیہ لکهوں.....ہوس کے مضمون پر عشق کا نام لکهوں.... تجهے بے خبر  کہوں جوہر آئینہ ایام لکهوں....تجهے دیکھ دیکھ او نوجواں! دل  خوں کے آنسورو رہا ہے.... مئے مجاز پیئے خدا کا نائب،صنم کدے میں سو رہا ہے....شب قدر جاگ کر بهی صاحب قدر نہ ہو ا....صلیب پہ لٹک گیا ہلال،تیری  خطا وں سے بدر نہ ہوا....